தொகுதி அறிமுகம்: ராயபுரம் 

சட்டப் பேரவை தொகுதி வரிசை எண்: 17

    

வரலாறு:

      சென்னை மாநகராட்சிக்குட்பட்ட ராயபுரம் தொகுதி 1957 முதல் இருந்து வருகிறது. சேப்பாக்கம் பகுதியில் இருந்து வந்த மீனவர் குடியிருப்புகளை ஆங்கிலேயர்கள் தங்கள் வசதிக்காக அங்கிருந்து அகற்றி ராயபுரத்தில் குடியமர்த்தியுள்ளனர். இதேபோல் சலவைத் தொழில் நடைபெற்று வந்த வண்ணையம்பதி என்றழைக்கப்பட்ட தற்போதைய வண்ணாரப்பேட்டை இத்தொகுதியில்தான் அடங்கியுள்ளது. மறுசீரமைப்பின்போது காசிமேடு மீன்பிடித் துறைமுகம் மற்றும் மீனவர் குடியிருப்புகள் நீக்கப்பட்டு மூல கொத்தளம் உள்ளிட்ட பகுதிகள் இத்தொகுதியில் இணைக்கப்பட்டுள்ளன. இங்கு நூற்றுக்கணக்கான பருப்பு ஆலைகள், நூற்றுக்கணக்கான ஜவுளிக் கடைகள், மிட்டாய், பிஸ்கட், தின்பண்டங்கள் தயாரிக்கும் சிறு தொழில்கள் உள்ளிட்டவை இங்கு முக்கிய தொழில்களாக உள்ளன

சிறப்புகள்:

    1929-ல் ஆங்கிலேயர்களின் கட்டப்பட்ட செயின்ட் பீட்டர் சர்ச், 1826 ம் ஆண்டு ராஜா சர் ராமசாமி முதலியாரால் தொடங்கப்பட்டு இன்று வரை வடசென்னை மக்களின் தாய் சேய் மருத்துவ ஆதாரமாக விளங்கும் ஆர்எஸ்ஆர்எம் நினைவு மருத்துவமனை, 1856-ல் அமைக்கப்பட்ட தென்னிந்தியாவின் முதல் ரயில் நிலையம் இப்பகுதியின் பழமையை வெளிப்படுத்துகிறது.

     ராமநாதபுரம் மாவட்டம் தொண்டியில் பிறந்த முஸ்லிம் துறவி குனங்குடி மஸ்தான் சாஹி்ப் வடசென்னையில் வாழ்ந்து மறைந்தார். இவரது நினைவாகத்தான் தண்டையார்பேட்டை(தொண்டியார்பேட்டை)உருவானது. சுமார் 300 ஆண்டுகளுக்கு முன்பு குஜராத் பகுதியிலிருந்து வந்த பார்சி இன மக்கள் முதன் முதலில் குடியேறியது ராயபுரத்தில்தான். தற்போதும் சென்னையில் பார்சி இனமக்கள் வணங்கும் நெருப்பு கோயில் (Fire Temple) இங்கு மட்டுமே உள்ளது. மேலும் தமிழகத்தின் முக்கிய அரசியல் நிகழ்வான தி.மு.கவின் தொடங்கப்பட்டது ராயபுரம் ராபின்சன் பூங்காவில்தான். இவைகளெல்லாம் ராயபுரத்தின் பழம்பெருமையை உணர்த்துகின்றன. 

தொகுதியில் எல்லைகள், அடங்கியுள்ள பகுதிகள்:

    சென்னை மாநகராட்சி ஐந்தாவது மண்டலத்திற்குட்பட்ட  48 முதல் 53 வரையிலான மொத்தம் 6 வார்டுகள் இத்தொகுதியில் அடங்கியுள்ளன. ராயபுரம் தொகுதிக்கு கிழக்கே துறைமுகமும், வடக்கே காசிமேடுவும் தெற்கே துறைமுகம் தொகுதியும் மேற்கே மூலக்கொத்தளம் பகுதியும் இதன் எல்லைகளாக அமைந்துள்ளன. 

தற்போதைய வாக்காளர்கள்

          ஆண்         :  89,744

          பெண்         :  92,533

          திருநங்கை    :      39

      

மொத்த வாக்காளர்கள்   : 1,82,453

மொத்த வாக்குச் சாவடிகள்  :181

தொகுதியில் வென்றவர்கள்:

 1957  எம்.மாயாண்டி நாடார்    - இந்திய தேசிய காங்கிரஸ்

 1962  எம்.மாயாண்டி நாடார்    - இந்திய தேசிய காங்கிரஸ்

 1967  எம்.வேதாச்சலம்         - திமுக

 1971  எம்.வேதாச்சலம்         - திமுக

 1977  பி.பொன்னுரங்கம்        - திமுக

 1980  பி.பொன்னுரங்கம்        - திமுக

 1984  பி.பொன்னுரங்கம்        - திமுக 

 1989  ஆர்.மதிவாணன்         - திமுக

 1991   டி.ஜெயக்குமார்         - அதிமுக

 1996   ஆர்.மதிவாணன்        - திமுக

 2001   டி.ஜெயக்குமார்         - அதிமுக

 2006   டி.ஜெயக்குமார்         - அதிமுக

 2011   டி.ஜெயக்குமார்         - அதிமுக

தேர்தல் நடத்தும் அலுவலர்/தொடர்பு எண்:

                           கே.பாலசுப்பிரமணியன் 

    சென்னை மாநகராட்சி 5-வது மண்டல அலுவலர், செல்லிடபேசி எண்: 94450-06554